Radio Victoria

Ekonomi, Kryesoret

KEK-u dhe KESCO-ja kërkojnë shtrenjtim të energjisë për rreth 15 për qind

KEK-u dhe KESCO-ja kërkojnë shtrenjtim të energjisë për rreth 15 për qind
0
SHARES

Tarifat e energjisë elektrike do të shtrenjtohen për rreth 15 për qind nëse Zyra e Rregullatorit të Energjisë ia miraton kërkesat e KEK-ut dhe KESCO-s për të hyrat maksimale për vitin 2016, shkruan sot Koha Ditore.

Kjo përqindje është kalkuluar në bazë të kërkesës që KESCO-ja e KEK-u kanë bërë për të hyrat për vitin 2016 për të mbuluar kostot e operimit dhe për të kompensuar humbjet nga e kaluara.

 Bazuar në aplikacionet e këtyre dy kompanive që janë publikuar në ueb-faqen e ZRrE-së, ato kanë kërkuar të hyra që janë për 19 për qind më të larta se ato të vitit të kaluar. Mirëpo zakonisht përqindja e rritjes së tarifave është më e vogël se përqindja e rritjes së të hyrave.

KEK-u ka kërkuar 29 milionë euro më shumë buxhet sesa që kishte në vitin 2015.

Këto të hyra KEK-u i ka kërkuar për koston e operimit, si dhe për humbjet që ia ka shkaktuar shpërthimi në “Kosovën A”, që kishte ndodhur vitin e kaluar. Ndërsa KESCO-ja po i kërkon 19 milionë euro më shumë sesa në vitin e kaluar.


Lajmi i mëparshëm
Kuvendi i Kosovës me 10 Shkurt nuk e zgjedh Presidentin!
Lajmi i mëtejshëm
Libi, snajperisti misterioz ekzekuton tre liderë të Kalifatit për 10 ditë

Latest Comments